Frá Southampton til Reykjavíkur 8. – 19. ágúst.

Flogið til London að morgni 8. ágúst, ekið sem leið liggur til Southampton þar sem farið er um borð í NCL Star. Lagt af stað kl 17:00 og siglt til Newhaven (Edinborg) og Invergordon í Skotlandi, Bergen, Álasunds, Hellesylt og Geiranger í Noregi áður en stefnan er sett á Ísland þar sem komið er við á Seyðisfirði og Ísafirði áður en komið er til Reykjavíkur þar sem siglingunni lýkur.

Glæsiskipið Norwegian Star

Norwegian Star er 91.740 brúttótonn, 294 m á lengd og 38 metra breitt. Farþegar eru 2,348 og 1.031 er í áhöfn þess. Skipið var smíðað árið 2001 og allt tekið rækilega í gegn árið 2018. Skipið er afar glæsilega innréttað og þar fer ákaflega vel um farþega.

Verð á mann, miðað við tvo í svalaklefa er 515.000 og í innklefa 395.000

Einn í svalaklefa er 720.000 og í innklefa 530.000. Stúdíó ekki í boði.

INNIFALIÐ: Flug til London, akstur frá flugvelli að skipshlið. Ellefu nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé.
Auk þessa velur hver klefi tvo af fjórum mismunandi „pökkum“. Drykkjarpakki: Allir gosdrykkir, áfengir og óáfengir drykkir að 15$ innifalið. Matarpakkinn: þrisvar sinnum út að borða á sérstöku veitingastöðunum. WiFi: 250 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

8. ágúst. Sigling hefst

Flogið að morgni til London, farið með rútu til Southampton þar sem við förum um borð í Norwegian Star og skipið leggur í hann kl 17:00

9. ágúts. Á siglingu

Á siglingu allan daginn og fínt að nýta tímann til að skoða skipið og lára á það.

10. ágúst. Newhaven

Komum til Newhaven kl 07:00 og förum á ný kl 17:00. Stut til Edinborgar.

11. ágúst. Invergordon

Komum til þessa 4.000 manna bæjar kl 07:00 og förum aftur kl 17:00.

12. ágúst. Bergen

Komið til Bergen í Noregi kl 14:00 og farið á ný kl 22:00

13. ágúst. Álasund

Komið til Álasund kl 10:00 og farið á ný kl 19:00

14. ágúst. Hellesylt

Lítið og fallegt þorp við þröngan fjörð. Komum þangað kl 08:00 og farið á ný kl 09:00. Bara stutt stopp.

14. ágúst. Geiranger

Gríðarlega fallegt að sigla til Geiranger en þangað komum við kl 11:00 og förum á ný kl 17:00.

15. ágúst. Á siglingu

Nú er stefnan sett á Seyðisfjörð og um að gera að njóta þess að vera á sjó.

16. ágúst. Seyðisfjörður

Komum snemma til Seyðisfjarðar eða kl 06:00 og hér er stoppað til kl 16:00.

17. ágúst. Ísafjörður

Komið til Ísafjarðar kl 10:00 og farið á ný kl 18:30.

18. ágúst. Reykjavík

Komum til Reykjavíkur kl 09:00 og hér getum við gist um borð um nóttina áður en menn fara frá borði eftir morgunverð þann 19. ágúst.

Fararstjóri:

Skúli Unnar Sveinsson - FararstjóriFararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.