Brottför 20. des 2018 og heimkoma 3. janúar 2019

Jólaferð með EPIC um Karabía hafið

Flogið til Orlando með Icelandair, gist í tvær nætur fyrir siglinguna á Florida Mall hótelinu og síðan í fjórar nætur þar eftir siglinguna. Siglt frá Port Canaveral í Flórída og byrjað á Great Stirrup Cay, sem er lítil eyja sem skipafélagið á, síðan til Ocho Rios á Jamæku, George Town á Grand Cayman og loks til Cozumel í Mexíkó.

Glæsiskipið Norwegian Epic

Norwegian Epic er eitt af stærstu skipum Norwegian Cruise Line, skipið er 155,873 brúttótonn, 329 metrar á lengd og tekur 4.100 farþega. Áhöfnin er 1.753 og ganghraði er 20 hnútar. Epic er glæsilegur farkostur þar sem smekkleg hönnun og lúxus er einkenni þessa. Það er hreint ævintýri að sigla með skipinu.

Verð á mann í svalaklefa 425.000 kr. og verð á mann í innklefa 390.000 kr.

 
INNIFALIÐ: Allir gosdrykkir, áfengir og óáfengir drykkir, þjórfé, eins líters vatsflaska á dag á mann og kaffi eftir matinn á veitingahúsum skipsins. Flug fram og til baka, hótelgisting með morgunverði, allar ferðir milli flugvalla, hótel og skips erlendis, íslensk fararstjórn, fullt fæði í skipinu og öll skemmtidagskrá um borð.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

20. desember Keflavík – Orlandó

Flogið síðdegis með Icelandair til Orlando þar sem lent er klukkan 20:05 að staðartíma. Ekið sem leið liggur á Florida Mall Hotel.

Flórída hótel

21. desember

Frjáls dagur í Orlando en þar er nóg hægt að gera, fara í golf, einhvern hinna fjölmörgu skemmtigarða eða kíkja í verslunarmiðstöðina þar sem hótelið er. Þó svo Orlandó bjóði upp á flest sem manni dettur í hug er erfitt, ef ekki útilokað, að fá skötu þar.

Jól

22. desember – Siglingin hefst

Farið frá hótelinu og ekið til Port Canaveral þar sem við förum um borð í EPIC. Lagt úr höfn klukkan 16:00.

Great Stirrup

23. desember Þorláksmessa – Great Stirrup Cay

Komið til Great Stirrup Cay, eyju sem NCL á, og þar er gott að snorkla og slappa síðan af á ströndinni á meðan maður hugsar heim til vina og vandamanna sem eru á fullu að gera klárt fyrir aðfangadagskvöld. Komið þangað klukkan 08 að morgni og farið klukkan 17:00.

Sigling

24. desember Aðfangadagur – Á siglingu

Á siglingu allan daginn og um að gera að njóta jólanna á sóldekkinu og horfa yfir til Kúbu og fleiri eyja sem við siglum framhjá.

Jamæka

25. desember, jóladagur – Jamæka

Komið til Falmouth á Jamæku klukkan 8 að morgni og farið þaðan klukkan 17:00 síðdegis. Hér er margt að sjá, fjölmargar fallegar strandir, handverksbúðir ýmiskonar og einnig hægt að skoða fallega fossa.

Grand Cayman

26. desember, annar í jólum – Grand Cayman

Komum til George Town á Gran Cayman eyju klukkan 8 að morgni og farið aftur klukkan 16:00 síðdegis. Þetta er stærst þriggja Cayman eyja og George Town er höfuðborgin. Eins og á öðrum stöðum sem við komum á er margt að sjá og skoða, rölta um bæinn, synda með skötum eða leggjast í sólbað á einhverri af fallegum ströndum eyjarinnar.

Cozumel

27. desember – Cozumel í Mexíkó

Cozumel eyjan er 10 kílómetra úti fyrir austurströnd Mexíkó. Hún er 48 kílómetra löng og 16 kílómetra breið þar sem hún er breiðust. Íbúar er rétt rúmlega 100.000 og þar af búa um 80.000 í San Miguel á vesturströnd eyjarinnar. Þetta er stærsta höfnin sem komið er til í þessari ferð og tilvalið að rölta í land og kíkja í miðbæinn. Gríðarlegur fjöldi verslana er á svæðinu þannig að allir ættu að geta fengið sér einhvern minjagrip frá Mexíkó. Hér er líka hægt að fara að snorkla og skoða fiskana. Komið þangað kl 10:00 og farið kl 18:00.

Lamb

28. desember – Á siglingu

Njóta lífisins um borð, hvort heldur það er í nuddi, sólbaði, heitu pottunum, á einhverju námskeiði eða inn á bókasafni með góða bók.

Florida

29. desember – Siglingu lýkur

Lagst að bryggju í Port Canaveral kl 08:00. Ekið til Orlando þar sem gist verður í fjórar nætur á Florida Mall hótelinu. Þangað er komið upp úr hádegi þannig að dagurinn nýtist vel.

Flugeldar

30. desember – 1. janúar Gamlársdagur og Nýársdagur í Orlandó

Frjálsir dagar í Orlando. Í verslunarmiðstöðinni Florida Mall eru um 270 verslanir auk fjölda veitingastaða. Góður sundlaugargarður er við hótelið auk þess sem stutt er í Premium Outlet þar sem hægt er að gera mjög góð kaup. Ekki má heldur gleyma hinum fjölmörgu skemmtigörðum sem eru í næsta nágrenni við hótelið og einnig eru margir flottir golfvellir á svæðinu. Svo er bara að sjá hvernig Flórídabúar standa sig með flugeldana.

Heimferð

2. janúar, haldið heim á leið

Farið frá hótelinu eftir hádegi og flogið heim klukkan 18:00. Lent í Keflavík klukkan 06:10 að morgni 3. janúar.

Premium-Allt Innifalið Pdf - Icon

Fararstjóri:

Skúli Unnar Sveinsson - Fararstjóri

Fararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.

Kort

Epic Burn the Floor
Epic Balcony State room
Epic Climbing Wall Couple
Epic O Sheehans
Epic Le Bistro
Epic Moderno
Epic Courtyard
Epic Fitness
Epic Atrium Café
Epic Inside State room
Epic Aqua Park Family Splash
Epic Aqua
0Epic The Manhattan Room
Epic Ice Bar
Epic Deluxe Owners Suite Living Room
Epic Ultra Lounge