Brottför 17. desember 2021 og heimkoma 30. desember 2021

Jólaferð með Dawn um Karíbahafið

Flogið til Orlando með Icelandair, gist í tvær nætur fyrir siglinguna á Florida Mall hótelinu og síðan í þrjár nætur þar eftir siglinguna. Siglt frá Tampa í Flórída og byrjað á að koma til Roatan í Hondúras, síðan eyðum við degi á Harvest Caye, einkaeyju skipafélagsins úti fyrir Belize, Costa Maya og Cozumel í Mexíkó og loks siglt til Tampa á nýjan leik.

Glæsiskipið Norwegian Dawn

Norwegian Dawn var byggt árið 2002 en allt endurnýjað að innan árið 2016. Skipið er 92.250 brúttótonn, 294 metrar á lengd og tekur 2.340 farþega. Áhöfnin er 1.032. Dawn er glæsilegur farkostur þar sem smekkleg hönnun og lúxus er einkenni þessa. Það er hreint ævintýri að sigla með skipinu.

Verð á mann miðað við tvo í svalaklefa 535.000 kr. og verð á mann í innklefa 480.000 kr.

Einn í svalaklefa 646.000 kr. og í innklefa 530.000 kr. Studíó ekki í boði.

 
INNIFALIÐ: Flug fram og til baka, allur akstur milli flugvallar, hótels og skips. Gisting með morgunverði á hótelinu, sjö nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé.
Auk þessa velur hver klefi tvo af fjórum mismunandi „pökkum“. Drykkjarpakki: Allir gosdrykkir, áfengir og óáfengir drykkir að 15$ innifalið. Matarpakkinn: tvisvar sinnum út að borða á sérstöku veitingastöðunum. WiFi: 250 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

17. desember Keflavík – Orlandó

Flogið síðdegis með Icelandair til Orlando þar sem lent er klukkan 20:05 að staðartíma. Ekið sem leið liggur á Florida Mall Hotel.

Flórída hótel

18. desember

Frjáls dagur í Orlando en þar er nóg hægt að gera, fara í golf, einhvern hinna fjölmörgu skemmtigarða eða kíkja í verslunarmiðstöðina þar sem hótelið er. Þó svo Orlandó bjóði upp á flest sem manni dettur í hug er erfitt, ef ekki útilokað, að fá skötu þar.

Jól

19. desember – Siglingin hefst

Farið frá hótelinu og ekið til Tampa þar sem við förum um borð í Dawn. Lagt úr höfn klukkan 16:00.

Norwegian Dawn

20. desember Á siglingu

Erum á siglingu allan daginn og stefnan sett á Hondúras. Um að gera að skoða skipið og læra vel á það.

21. desember Roatán í Hondúras

Lítil falleg eyja norður af meginlandi Hondúras. Komið þangað kl 10:00 og farið á ný kl 18:00

Harvest Caye

22. desember Harvest Caye

Komið til Harvest Cay, sem er eyja útifyrir Belize, klukkan 8 að morgni og farið þaðan klukkan 18:00 síðdegis. Hér er margt hægt að gera á þessari gullfallegu eynkaeyju.

23. desember Þorláksmessa Costa Maya

Komum til Costa Maya í Mexíkó kl 08:00 og farið á ný kl 18:00. Ýmislegt við að vera á þessum skemmtilega stað. Synda með höfrungum, skoða rústir Maya og margt fleira.

Cozumel

24. desember Aðfangadagur Cozumel í Mexíkó

Cozumel eyjan er 10 kílómetra úti fyrir austurströnd Mexíkó. Hún er 48 kílómetra löng og 16 kílómetra breið þar sem hún er breiðust. Íbúar er rétt rúmlega 100.000 og þar af búa um 80.000 í San Miguel á vesturströnd eyjarinnar. Þetta er stærsta höfnin sem komið er til í þessari ferð og tilvalið að rölta í land og kíkja í miðbæinn. Gríðarlegur fjöldi verslana er á svæðinu þannig að allir ættu að geta fengið sér einhvern minjagrip frá Mexíkó. Hér er líka hægt að fara að snorkla og skoða fiskana. Komið þangað kl 08:00 og farið kl 18:00.

Lamb

25. desember Jóladagur Á siglingu

Njóta lífisins um borð, hvort heldur það er í nuddi, sólbaði, heitu pottunum, á einhverju námskeiði eða inn á bókasafni með góða bók.

Florida

26. desember – Siglingu lýkur

Lagst að bryggju í Tampa kl 07:00. Ekið til Orlando þar sem gist verður í þrjár nætur á Florida Mall hótelinu. Þangað er komið um miðjan dag þannig að dagurinn nýtist ágætlega.

Golf

27. og 28. desember Orlandó

Frjálsir dagar í Orlando. Í verslunarmiðstöðinni Florida Mall eru um 270 verslanir auk fjölda veitingastaða. Góður sundlaugargarður er við hótelið auk þess sem stutt er í Premium Outlet þar sem hægt er að gera mjög góð kaup. Ekki má heldur gleyma hinum fjölmörgu skemmtigörðum sem eru í næsta nágrenni við hótelið og einnig eru margir flottir golfvellir á svæðinu.

Heimferð

29. desembar Heimferð

Farið frá hótelinu eftir hádegi og flogið heim klukkan 18:00. Lent í Keflavík klukkan 06:10 að morgni 30. desember.

Fararstjóri:

Skúli Unnar Sveinsson - Fararstjóri

Fararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.

Kort Tampa

Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn