Grikkland og Ítalía 19. október til 3. nóvember.

Flogið til Rómar með Icelandair. Gistum í þrjár nætur í Róm og förum síðan í 10 nátta siglingu með NCL GETAWAY þar sem komið er við á Kotor í Svartfjallalandi, Dubrovnik í Króatíu, Korfú, Santorini og Mykonos í Grikklandi og síðan til Ítalíu á ný þar sem við heimsækjum  Napolí og Livorno og endum í Civitavecchia. Gist er í tvær nætur í Róm áður en flogið er heim á ný.

Glæsiskipið Norwegian Getaway

Norwegian Getaway er 145,655 brúttótonn, 326 metrar á lengd og tekur rúmlega 3.900 farþega. Áhöfnin er 1.657 og ganghraði er 20 hnútar. Getaway er glæsilegur farkostur þar sem smekkleg hönnun og lúxus er einkenni þess. Það er hreint ævintýri að sigla með skipinu.

Verð á mann, miðað við tvo í innklefa er 440.000 og í svalaklefa 530.000.

INNIFALIÐ: INNIFALIÐ:Flug fram og til baka, allur akstur milli flugvallar, hótels og skips. Gisting með morgunverði á hótelinu, sjö nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé.
Auk þessa velur hver klefi tvo af fjórum mismunandi „pökkum“. Drykkjarpakki: Allir gosdrykkir, áfengir og óáfengir drykkir að 15$ innifalið. Matarpakkinn: þrisvar sinnum út að borða á sérstöku veitingastöðunum. WiFi: 250 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

Icelandair

19. okt Keflavík – Róm

Flogið með Icelandair til Amsterdam og áfram til Rómar sama dag og lendum þar kl 22:45. Ekið sem leið liggur upp á hótelið þar sem við gistum í þrjár nætur.

Róm Colosseum

20. og 21. okt. Róm

Notum þessa tvo daga til að skoða Róm, enda margt og mikið að sjá í þeirri merku borg. Annan daginn fer fararstjóri í sex tíma gönguferð um Róm með þá sem það vilja.

Getaway

22. okt. Siglingin hefst

Brottför frá hóteli um kl.10:30, ekið til Civitavecchia þar sem Getaway er og lagt í hann klukkan 17:00.

Norwegian Getaway

23. okt. Á siglingu

Á siglingu allan daginn og nóg að gera um borð, skoða skipið, liggja í sólbaði eða bara gera eitthvað annað skemmtilegt.

24. okt. Kotor í Svartfjallalandi

Komið til Kotor kl 09:00 og lagt í hann á ný kl 19:00. Fallegur og skemmtilegur lítill bær þar sem innsiglingin er hreint stórkostleg.

Dubrovnik

25. okt. Dubrovnik í Króatíu

Hér er lagt að bryggju kl 07:00 að morgni og farið kl 17:00. Fallegur bær og sérstaklega gamli bærinn sem er umlukinn háum múrum.

Corfu í Grikklandi

26. okt. Korfú í Grikklandi

Þá erum við komin til Grikklands og leggjum að bryggju kl 07:00 og leggjum í hann á ný kl 15:00. Fallegur bær sem gaman er að labba um og fara síðan upp í gamla kastalan.

27. okt. Santorini

Komið til Santorini kl 13:00 og ankerum létt kl 22:00. Falleg eyja þar sem farið er með ösnum upp í bæinn, eða kláfurinn tekinn og svo er auðvitað hægt að ganga upp líka. Sólarlagið þarna þykir sérlega fallegt.

28. okt. Mykonos

Komið til eyjarinnar Mykonos kl 08:00 og farið kl 18:00. Mjög skemmtilegt að labba um þröng stræti gamla bæjarins, setjast niður og fá sér grískan mat og njóta alls sem bærin býður uppá.

Getaway Plank Sunset

29. okt. Á siglingu

Siglum allan daginn á leið til Ítalíu á nýjan leik. Um að gera að njóta skipsins og þess sem í boði er um borð.

30. okt. Napolí

Komum hér kl 07:00 og förum á ný kl 17:00. Fyrir þá sem ekki hafa komið til Pompeii þá er það mjög áhugavert. Ítalir segja að Margareta pizzan hafi fyrst verð gerð hér og um að gera að smakka.

31. okt. Livorno

Komið kl. 09:00 og farið þaðan kl. 20:00. Flórens, Pisa (skakki turninn) og Cinque Terra eru meðal þess sem áhugavert er að skoða hér. Einnig mjög skemmtilegur markaður í bænum.

Getaway Ocean Place

1. nóv. Róm

Komum til Civitavecchia kl 06:00 förum á hótel og gistum í tvær nætur áður en við fljúgum heim þann 3. nóvember í gegnum Kaupmannahöfn, Lendum heima rétt fyrir miðnætti.

Fararstjóri:

Skúli Unnar Sveinsson - FararstjóriFararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.

Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit
Norwegian Spirit