Brottför 28. maí – Heimkoma 8. júní

Flogið til Barcelona 28. maí og gist þar í þrjár nætur áður en siglingin hefst. Eftir einn dag á siglingu frá Barcelona til Napolí er siglt upp með vesturströnd Ítalíu og komið við í Civitavecchi, sem er hafnarborg Rómar, Livorno, þaðan sem stutt er til hinnar fallegu borgar Flórens og til Pisa til að kíkja á skakka turninn. Því næst er siglt til Cannes og síðan Palma á Mallorka og loks til Barcelona á ný og gist þar í tvær nætur.

Glæsiskipið Norwegian Epic

Norwegian Epic er 155,873 brúttótonn, 329 metrar á lengd og tekur 4.100 farþega. Áhöfnin er 1.753 og ganghraði er 20 hnútar. Epic er glæsilegur farkostur þar sem smekkleg hönnun og lúxus er einkenni þess. Það er hreint ævintýri að sigla með skipinu.

Verð á mann, miðað við tvo í innklefa 395.000 og í svalaklefa 440.000 kr.

INNIFALIÐ: Allir gosdrykkir, áfengir og óáfengir drykkir og þjórfé, flug fram og til baka, hótelgisting með morgunverði, allar ferðir milli flugvalla, hótels og skips erlendis, íslensk fararstjórn, fullt fæði í skipinu og öll skemmtidagskrá um borð.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

28. maí. Keflavík – Barcelona

Flogið með Icelandair um Paris og til Barcelona og lent þar um kvöldið. Þá er ekið upp á hótel þar sem gist verður í þrjár nætur.

29. og 30. maí. Barcelona

Frjálsir dagar í Barcelona, en þar er margt að sjá enda borgin einstaklega falleg og skemmtileg. Hvort sem fólk vill hafa það menningarlegt og skoða eitthvað af fjölmörgum listasöfnum borgarinnar, eða bara rölta Römbluna og skoða mannlífið, nú eða þá skella sér á ströndina, þá er af nógu að taka.

31. maí. Sigling hefst

Leggjum af stað frá hótelinu kl. 12:00 og ökum niður á bryggju þar sem við förum um borð í EPIC, sem er með stærstu skemmtiferðaskipum í heimi, 156.000 tonn. Brottför er kl. 18:00.

1. júní. Á siglingu

Sigling þvert yfir Miðjarðarhafið frá Barcelona til Napolí á Ítalíu. Um að gera að njóta þess að vera um borð í glæsilegu skemmtiferðaskipi, slappa af í sólbaði, kíkja í ræktina, á einhvern huggulegan bar og gott veitingahús. Þeir sem vilja geta reynt sig í klifurveggnum eða prófað vatnsrennibrautirnar.

2. júní. Napolí

Komið til Napolí kl. 07:00 og lagt úr höfn kl. 19:00. Hér er margt hægt að gera og ef fólk hefur ekki komið til Pompei og skoðað rústirnar þar þá er það mjög áhugavert. Hægt er að skjótast með báti yfir til Kaprí, sem er lítil og falleg eyja. Einnig er mjög gaman að fara til Sorrento, en leiðin þangað er mjög brött og falleg.

Trev í Róm

3. júní. Civitavecchia / Róm

Lagt við bryggju í Civitavecchia kl. 06:00 og farið af stað á ný kl. 19:00. Allar leiðir liggja til Rómar og þar er mikið og margt að skoða. Athugið þó að Róm var ekki byggð á einum degi og ekki er hægt að skoða hana alla á einum degi. Páfagarður, Colloseum, Roman Forum, Vatikanið og mörg falleg torg víða um borgina er meðal þess sem hægt er að kíkja á.

Pisa - Skakki turninn

4. júní. Livorno – Flórens – Pisa – Cinque Terre

Komið til Livorna kl. 07:00 og lagt úr höfn á ný kl. 19:00. Hér er tilvalið að skjótast til borgarinnar Flórens, sem er gríðarlega falleg borg og virkilega gaman að skoða miðbæinn þar. Ekki er heldur óvitlaust í leiðinni að renna við í Pisa og kíkja á skakka turninn. Cinque Terre er einnig einstaklega skemmtilegur staður.

Rue meynadier

5. júní. Cannes

Nú erum við komin til Frakklands, nánar tiltekið til Cannes. Hér er ýmislegt hægt að gera því Cannes er meira en bara rauði dregillinn og dýrar merkjabúðir. Fallegar þröngar götur sem mjög gaman er að rölta um og svo auðvitað að skoða rauða dregilinn og annað sem fylgir því öllu saman. Komið þangað kl. 08:00 og lagt úr höfn kl. 18:00.

Marseille

6. júní. Palma á Mallorka

Komið er til Palma á Mallorka kl. 13:00 og farið þaðan kl. 20:00. Margt skemmtilegt að gera hér, fara á stönd, í flottar skoðunarferðir eða bara rölta upp í bæ og kíkja aðeins í búðir.

Sagria

7. júní. Siglingu lýkur

Komið til Barcelona snemma morguns og haldið upp á hótelið þar sem við gistum í eina nótt. Tilvalið að nota sunnudaginn til að skoða borgina aðeins því verslanir eru almennt lokaðar.

Rambla

8. júní. Heimferð

Förum snemma frá hótelinu og út á flugvöll. Flogið með KLM til Amsterdam og Icelandair til Íslands.

Fararstjóri:

Fararstjóri í ferðinni er Skapti Hallgrímsson. Skapti er Akureyringur og starfaði í fjöldamörg ár sem blaðamaður á Morgunblaðinu, allt þar til haustið 2018. Hann skrifaði lengi um íþróttir og var fréttastjóri íþróttadeildar í liðlega áratug, en síðustu 20 árin starfaði hann einkum og sérílagi á sunnudagsritstjórn blaðsins, þar sem persónuleg viðtöl hans vöktu oft mikla athygli. Þá er Skapti góður ljósmyndari eins og lesendur Morgunblaðsins vita mætavel.
Skapti hefur skrifað fjórar bækur, sú nýjasta fjallaði um þátttöku íslenska karlalandsliðsins í knattspyrnu á HM í Rússlandi. Hann var fararstjóri  á árum áður, fór þá með marga hópa á knattspyrnuleiki í Englandi.

Sjá ummæli farþega.

Ferð - Epic - Cannes

Epic Burn the Floor
Epic Balcony State room
Epic Climbing Wall Couple
Epic O Sheehans
Epic Le Bistro
Epic Moderno
Epic Courtyard
Epic Fitness
Epic Atrium Café
Epic Inside State room
Epic Aqua Park Family Splash
Epic Aqua
0Epic The Manhattan Room
Epic Ice Bar
Epic Deluxe Owners Suite Living Room
Epic Ultra Lounge