Brottför 19. mars og heimkoma 2. apríl

Karíbahafið með Dawn

Flogið með Icelandair til Orlando síðdegis 19. mars og lent í Flórída klukkan 20:00 að staðartíma. Gist í þrjár nætur á Florida Mall hótelinu, sem er gríðarlega vel staðsett. Ekið er frá hótelinu til Tampa þar sem farið er um borð í Dawn. Siglingin sjálf er sjö nátta og er komið við í Costa Maya í Mexíkó, Harvest Cay, litilli paradísareyju sem skipafélagið á og er undan ströndum Belize, Roatán í Hondúras og í Cozumel í Mexíkó, .

Tveir dagar eru á siglingu, annar á leiðinni til Costa Maya og hinn á leiðinni frá Cozumel til Flórída. Komið er til Tampa að morgni 29. mars og farið á hótelið þar sem við gistum í þrjár nætur. Síðan er farið frá hótelinu upp úr hádegi 1. apríl upp á flugvöll og farið í loftið klukkan 19:00. Lent er í Keflavík snemma morguns 2. apríl.

Glæsiskipið Norwegian Dawn

Norwegian Dawn var nýlega tekið í gegn. Það er 92.250 brúttótonn, 324 m á lengd og tekur 2.340 farþega. Áhöfn er 1.032 manns og siglingarhraði er 22,5 hnútar. Um borð eru um 10 veitingastaðir, kaffihús, diskótek og barir, sundlaugar, heitir pottar, líkamsrækt, spa og leikhús sem tekur yfir 1000 manns í sæti og margt fleira. Skipið er afar glæsilega innréttað og þar fer ákaflega vel um farþega.

Verð á mann í svalaklefa 395.000 kr. og verð á mann í innklefa 345.000 kr.

INNIFALIÐ: Allir gosdrykkir, áfengir og óáfengir drykkir að 15$ glasið og þjórfé, Flug fram og til baka, hótelgisting með morgunverði, allar ferðir milli flugvalla, hótels og skips erlendis, íslensk fararstjórn, fullt fæði í skipinu og öll skemmtidagskrá um borð.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

Flugvél - Icelandair

19. mars. Keflavík – Orlandó

Flogið síðdegis með Icelandair til Orlando þar sem lent er klukkan 20:05 að staðartíma. Ekið sem leið liggur á Florida Mall Hotel þar sem gist er í þrjár nætur.

Flórída

20. og 21. mars – Orlandó

Frjálsir dagar í Orlando en þar er nóg hægt að gera, fara í golf, einhvern hinna fjölmörgu skemmtigarða eða kíkja í verslunarmiðstöðina þar sem hótelið er.

Epic spice

22. mars – Sigling hefst

Haldið frá hótelinu fyrir hádegi og ekið til Tampa þar sem farið er um borð í Dawn og lagt úr höfn klukkan 16:00

Norwegian Dawn

23. mars- Á siglingu

Við verðum á siglingu allan daginn og tilvalið að læra á skipið, skella sér í sund, í sólbað eða eitthvað annað sem fólki langar til.

Costa Maya

24. mars – Costa Maya í Mexíkó

Costa Maya er lítill ferðamannastaður. Þar eru tveir bæir, Mahahual og Xcalac. Þetta svæði hefur vaxið hratt eftir að skemmtiferðaskip fóru að hafa viðkomu þar. Á hafnarsvæðinu er stór sundlaug, önnur þar sem fólk getur fengið að synda með höfrungum og mikið líf og fjör er á svæðinu. Auðvitað er boðið upp á fullt af skoðunarferðum hér eins og annars staðar þar sem við höfum viðkomu. Komið þangað kl. 08:00 og farið á ný kl. 17:00.

Belize

25. mars – Harvest Caye úti fyrir Belize

Komið á þessa einkaeyju sem NCL á klukkan 08:00 og farið þaðan klukkan 17:00. Belize er smáríki á landamærum Mexíkó og Guetemala. Meginland Belize er 290 km langt og 110 km breitt. Enska er opinbera tungumál landsins og þar búa um það bil 300.000 manns.

Honduras

26. mars – Roatán í Hondúras

Komið til eyjarinnar Roatán, sem er lítil, löng og mjó eyja norður af meginlandi Hondúras. Hún er 8 kílómetra breið þar sem hún er breiðust og 64 kílómetrar löng þannig að strandlengjan er um 130 kílómetrar. Komið er í höfn klukkan 08:00 árdegis og lagt úr höfn klukkan 16:00. Boðið er upp á mikinn fjölda skoðunarferða, en einnig getur fólk farið í land á eigin vegum, skotist á einhverja fallega strönd og snorklað þar, eða rölt upp í bæ og kíkt á mannlífið þar.

Karabíska

27. mars – Cozumel í Maxíkó

Cozumel eyjan er 10 kílómetra úti fyrir austurströnd Mexíkó. Hún er 48 kílómetra löng og 16 kílómetra breið þar sem hún er breiðust. Íbúar er rétt rúmlega 100.000 og þar af búa um 80.000 í San Miguel á vesturströnd eyjarinnar. Þetta er stærsta höfnin sem komið er til í þessari ferð og tilvalið að rölta í land og kíkja í miðbæinn. Gríðarlegur fjöldi verslana er á svæðinu þannig að allir ættu að geta fengið sér einhvern mynjagrip frá Mexíkó. Komi þangað kl. 08:00 og farið kl. 17:00.

Fjör

28. mars – Á siglingu

Nú liggur leiðin til Bandaríkjanna á nýjan leik og stefnan er sett á Tampa. Um að gera að njóta þess að vera á skemmtiferðaskipi, slappa af við sundlaugarnar og í heitu pottunum eða gera eitthvað annað skemmtilegt.

Golf

29. mars – Komið til Tampa

Lagst að bryggju í Tampa klukkan 08:00 og ekið sem leið liggur til Orlando þar sem við gistum í þrjár nætur á Florida Mall hótelinu.

Flórída

30. og 31. mars – Orlandó

Frjálsir dagar í Orlandó og nú er tilvalið að kíkja í verslunarmiðstöðina eða búðirnar í kring og gera góð kaup því það er svo sannarlega hægt að gera þarna.

Heimferð

1. apíl – Heimferð

Farið frá hótelinu um klukkan 15:00 og ekið upp á flugvöll. Farið í loftið klukkan 19:00 og lent í Keflavík kl. 06:10 að morgni 2. apríl.

Premium – Allt innifalið

Fararstjóri:

Skúli Unnar Sveinsson - FararstjóriFararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.

Norwegian Dawn

Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn
Norwegian Dawn