Brottför 20. apríl. Heimkoma 10. maí.

Siglt frá New York til Rómar með Getaway.

Flogið til New York þar sem gist er í þrjár nætur. Siglingin til Rómar er 15 nætur og á leiðinni er komið við á Azoreyjum, Lissabon, Cadiz (Sevilla), Malaga, Mallorka, Barcelona, Cannes og Livorno áður en komið er til Cititavecchia, hafnarborgar Rómar að morgni 8. maí. Gist er í Róm í tvær nætur og flogið heim þann 10. maí.

Glæsiskipið Norwegian Getaway

Norwegian Getaway er 145,655 brúttótonn, 326 metrar á lengd og tekur rúmlega 3.900 farþega. Áhöfnin er 1.657 og ganghraði er 20 hnútar. Getaway er glæsilegur farkostur þar sem smekkleg hönnun og lúxus er einkenni þess. Það er hreint ævintýri að sigla með skipinu.

Verð á mann (miðað við tvo saman í klefa) í svalaklefa 525.000 kr. og verð á mann í innklefa 470.000 kr

INNIFALIÐ: Allir gosdrykkir, áfengir og óáfengir drykkir og þjórfé. Flug fram og til baka, hótelgisting með morgunverði í Róm en ekki í New York, allar ferðir milli flugvalla, hótels og skips erlendis, íslensk fararstjórn, fullt fæði í skipinu og öll skemmtidagskrá um borð.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

20. apríl. Ferðin hefst

Flogið til New York með Icelandair og farið beint á hótel þar sem við gistum í þrjár nætur.

21. og 22. apríl. New York

Það er margt að sjá í New York og um að gera að nota tímann vel.

23. apríl. Sigling hefst

Förum frá hótelinu upp úr hádegi og um borð í Getaway sem leysir landfestar kl. 21:00

Getaway Ocean Place

24. – 28. apríl. Á siglingu

Rólegheit um borð í fimm daga og um að gera að njóta þess fjölmarga sem skipið býður uppá.

29. apríl. Ponta Delgada á Azoreyjum

Komið klukkan 08:00 að morgni og farið á ný klukkan 16:00 síðdegis. Sao Michael eyjan er stært Azoraeyja og Ponta Delgada er höfuðborgin, en eyjarnar tilheyra Portúgal.

Norwegian Getaway

30. apríl. Á siglingu

Einn dagur á sjót til að slaka enn frekar á og njóta.

1. maí. Lissabon

Komið kl. 10:00 og fari þaðan á ný kl 17:00. Gríðarlega falleg og lífleg borg þar sem gaman er að rölta um þröngar göturnar..

2. maí. Cadiz (Sevilla)

Komum kl 10:00 til Sevilla og förum þaðan kl 19:00. Falleg borg sem gaman er að rölta um, en hún er höfuðborg Andalúsíuhérðas. Siglum um Gíbraltarsundið undir morgun.

Malaga

3. maí.  Malaga

Komum kl 07:00 og farið kl 17:00. Þá erum við komin til Costa del Sol, nánar tiltekið til Malaga.

4. maí. Palma á Mallorka

Komum hingað kl 15:00 og förum á ný kl 22:00. Versla, fara á strönd eða skoða dropasteinshellana.

Barcelona

5. maí. Barcelona

Komum til Barcelona kl 07:00 og förum þaðan á ný kl 17:00. Allt nóg að sjá í þessari fallegu borg.

6. maí. Cannes

Þá erum við komin til Frakklands. Vörpum ankerum kl 08:00 og léttum þeim síðan á ný kl 17:00

Ítalía

7. maí. Livorno

Komum kl 07:00 til Livorno í Toskanahéraðinu á Ítalíu. Héðan er stutt til Pisa og Flórens og fleiri áhugaverðra staða.

Róm Colosseum

8. maí. Siglingu lýkur

Komum til Civitavecchia, hafnarborgar Rómar kl 06:00, förum með rútu til Rómar, en það er ríflega klukkutíma akstur. Gistum í Róm í tvær nætur og því um að gera að nota daginn í dag og morgundaginn til að skoða borgina.

Trev í Róm

10. maí. Heimferð

Förum eldsnemma út á flugvöll, fljúgum með KLM til Amsterdam og Icelandair síðan heim.

Fararstjóri:

Skúli Unnar Sveinsson - FararstjóriFararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.

Norwegian Getaway
Epic Burn the Floor
Epic Balcony State room
Epic Climbing Wall Couple
Epic O Sheehans
Epic Le Bistro
Epic Moderno
Epic Courtyard
Epic Fitness
Epic Atrium Café
Epic Inside State room
Epic Aqua Park Family Splash
Epic Aqua
0Epic The Manhattan Room
Epic Ice Bar
Epic Deluxe Owners Suite Living Room
Epic Ultra Lounge