Við erum búin að setja inn á síðuna hér undir skemmtisiglingar allar þær siglingar sem við stefnum á að fara í á næsta ári.

Við vonumst til að geta byrjað um miðjan maí, en alls eru það 11 siglingar sem við stefnum á að fara á komandi ári.

Talsvert er um nýjungar og má þar fyrst nefna siglingu frá Reykjavík norður um land og til Noregs og þaðan til Bretlands. Einnig erum við með tvær slíkar siglingar þar sem byrjað er í Bretlandi og endað í Reykjavík.

Síðan bjóðum við upp á siglingu í Alaska næsta sumar og líka frá Boston og til Kanada.

Jólaferðin er síðan á síum stað í desember og komið heim daginn fyrir Gamlársdag.

Frá og með þriðjudeginum 13. október og út nóvember

færir Norræna Ferðaskrifstofan sig á netið.

Við erum á netinu og við símann en vegna Covid-19 þá er skrifstofan lokuð gestum og gangandi.

Hægt er að hafa samband við okkur að með því að senda skriflega fyrirspurn á

skuli@nordictavel.is eða marta@nordictravel.is

eða hafa samband við okkur í síma 570 8600.

Skrifstofan okkar að Stangarhyl 1 verður opnuð á ný fyrir gesti og gangandi mánudaginn 18. maí.

Hún verður opin milli klukkan 09:00 og 13:00 mánudaga til fimmtudaga en lokuð á föstudögum og um helgar.

Við viljum benda á að ákveðnar takmarkanir munu þó gilda, til dæmis verður ekki hægt að taka á móti heilu

fjölskyldunum og best væri að aðeins einn eða tveir mættu úr hverjum hópi þar sem við þurfum að sótthreinsa

alla snertifleti eftir hvern viðskiptavin.

 

Frá og með miðvikudeginum 1. apríl verður breyting á afgreiðslutíma Norrænu ferðaskrifstofunnar. Skrisfstofan verður áfram lokuð gestum og gangandi en við svörum bæði tölvupósti og í síma.

Um óákveðinn tíma verður afgreiðslutíminn milli kl 09:00 og 13:00 mánudaga til fimmtudaga og lokað á föstudögum

Það var mikil tilhlökkun í hópnum sem flaug frá Keflavíkurflugvelli síðdegis 11. febrúar 2020 og var á leiðinni í siglingu um

Panamaskurðinn með glæsiskipinu Joy á vegum Norrænu ferðaskrifstofunnar, umboðsaðila NCL (Norwegian Cruise Line).

Fararstjóri var Marta Magdalena Niebieszczanska, sem á tímabili fékk „auknefnið“ Martida og held ég að ég tali fyrir hönd okkar ferðafélaganna að hún stóð sig með miklum sóma í hvívetna.

Í Orlando gerðum við okkur ýmislegt til skemmtunar og Marta hafði pantað rútu og fórum við í skemmtilega og fróðlega skoðunarferð um borgina.

Að morgni 14. febrúar ókum við til Miami og fórum um borð í Joy og komum okkur fyrir í klefum okkar. Eftir stuttan kynningarfund með Mörtu borðaði svo hópurinn saman á Manhattan veitingastaðnum.

Fyrsti viðkomustaður var einkaeyja NCL, Great Stirrup Key, en síðan lá leiðin til Kartagena í Kólumbíu  ….og hitinn þar fór í 35° C og rakinn mjög mikill.

Dagurinn sem fór í „siglinguna“ um Panamaskurðinn er mjög eftirminnilegur, því þetta mannvirki er alveg stórkostlegt á alla mælikvarða. Flestir fylgdust með því er við fórum í þrepin þrjú og síðan siglinguna á vatninu og niður hinum megin, í Kyrrahafið áleiðis til Kosta Ríka.

Áfangastaðirnir komu svo hver á fætur öðrum Puerto Quetzal í Guatemala, Mazatlan, Puerto Vallarta og Cabo San Lucas í Mexikó. Alls staðar fórum við í land og skoðuðum okkur um, en laugardaginn 29. febrúar, hlaupársdag vorum við á siglingu til Los Angeles og komum til hafnar í morgunsárið.

Um borð í Joy eru nánast „allar heimsins lystisemdir“, veitingastaðir, leikhús og margt annað sem hugurinn girnist og nýttu ferðafélagarnir þá.

Gistum á The LA grand hotel downtown og eins og í Orlando hafði Marta skipulagt skoðunarferð, sem var afar vel heppnuð, þar sem við gengum meðal annars upp tröppurnar þar sem Oscarsverðlaunin eru afhent.

Heim var svo flogið frá Los Angeles (LAX) um Seattle og heim til Íslands og má segja að við sluppum heim fyrir covid-19 faraldurinn.

Kærar þakkir til allra ferðafélaganna,

Jenna og Ágúst.

 

Frá og með mánudeginum 16. mars til mánudagsins 6. aprí

færir Norræna Ferðaskrifstofan sig á netið.

Við erum á netinu og við símann en vegna Covid-19 þá er skrifstofan lokuð fyrir gangandi viðskiptavinum.

Hægt er að hafa samband við okkur að með því að senda skriflega fyrirspurn á skuli@nordictavel.is eða marta@nordictravel.is

eða hafa samband við okkur í síma 570 8600.

Ég ætlaði að vera búin að skrifa þér fyrr en ekki tekist, svo nú kemur það.  Við hjónin Gunnar Örn og ég fórum í jólaferðina um s.l. jól. Og þvílík ferð .Í stuttu máli var hún YNDISLEG. Harvest cay
ALLT stóðst sem um var talað og meira  segja veðrið lék við okkur. En það sem mig (okkur) langar að tíunda er FARARSTJÓRINN: Hún Marta er hreint ótrúleg. Fyrir utan að vera glæsileg ung kona þá var allt 100% sem hún segir og gerir.  Hún gerði sér bara lítið fyrir og bjó til skoðunarferðir á eyjunum og ORLANDO sem hentaði okkur ÖLLUM því það voru mjög fáir sem voru búnir að panta ferðir og voru bara ekkert ákveðnir hvað ætti að gera !!!!!!  Svo sá hún um að við borðuðum saman bæði á jólum (um borð í skipinu)og á gamlárskvöld ( í Orlando) og ALLT var vel lukkað. Ég mun minnast þessarar ferðar á meðan ég lifi það var svo gaman. Í lok ferðarinnar voru þessir 50 íslendingar orðnir að einni fjölskyldu. :-):-).  Erum strax farin að pæla í næstu ferð, hefðum helst viljað fara með Mörtu í ferúar um Panamaskurðinn !!!!!!

Læt þetta duga að sinni. Takk takk aftur fyrir okkur.

Hjartans kveðjur

Soffía og Gunnar Örn.8-):-D

Við hjónin völdum að fara í skemmtisiglingu um jólin í brúðkaupsferðinni okkar og sáum auglýsta ferð hjá Norrænu ferðaskrifstofunni og sjáum ekki eftir því. Flórída hótel

Við flugum út til Orlando og gistum í 2 nætur á Florida Mall hótelinu og fórum svo með rútu um borð í Norwegian DAWN, stórglæsilegt skip sem stóðst allar væntinar og langt umfram það. Siglingin var 7 nætur frá 22-29 des.

Þar var allt svo jólalegt og hátíðlegt og frábært hvað þjónustan og hreinlætið er mikið um borð. Það var endalaust hægt að finna fjölbreytta afþreyingu og upplifun um borð, að fara í sunset Yoga er upplifun sem maður fær ekki hvar sem er.

Við komum í land á 4 stöðum í Mexico, sem var mjög gaman að koma í og sjá mannlífið þar. Þar er líka margt í boði sem spennandi er að skoða en við ákváðum að fara að synda með höfrungunum í Cosmuel, það var æði.

Eftir að við komum í land gistum við á hótelinu aftur í 5 nætur.  Við kynntumst frábærum hóp af íslendingum sem voru með okkur í ferðinni,okkur finnst það alveg standa uppúr að vera með öðrum íslendingum í ferðinni og ég tala nú ekki um að vera með svona æðislegan farastjóra.

Marta Magdalena passaði svo vel uppá allt og var algjört yndi alla ferðina. Við gátum alltaf leitað til hennar ef við þurftum sem okkur fannst mikið öryggi í.

Við munum klárlega nýta okkur þessar ferðir aftur, takk kærlega fyrir okkur.

Helena og Ólafur

Ég er sjóveik með endemum og ég þoldi ekki skemmtiferðarskip var nánast með fordóma gagnvart þessum ferðamáta. En þar sem við hjónin urðum sextíu ára með 13 mánaðar millibili ákvað ég að láta undan manninum Cozumelmínum og fara í eina svona ferð fyrir hann. Ég hef nefnilega alltaf svolítið stjórnað hvert og hvernig er ferðast.

Við vorum búin að skoða allskonar skip og skipafélög og vorum að huga að því að fara að panta ferð og fara á eigin vegum, þegar auglýsing birtist í Fréttablaðinu um ferð í Karabískahafið með Norrænu ferðaskrifstofunni. Já já fyrst ég var nú búin að samþykkja að fara  þá var alveg eins gott að fara með ferðaskrifstofu. Það er sko ekki það sem við erum vön að gera.

Til að gera langa sögu stutta var þessi ferð sem skipulögð var fyrir 14 daga af áðurnefndri ferðaskrifstofu með hina pólsku íslensku talandi Mörtu Magdalenu sem farastjóra algerlega ógleymanleg. Ég er búin að éta hatt minn og tek ofan fyrir þessari afþreyingu á hafi sem skemmtiferðarskip eru. Algerlega meiri háttar afslöppun og nóg að hafast við þar sem endalaust er boðið upp á allskyns viðburði og námskeið. Átti bara ekki orð yfir öllu sem í boði var og komst ekki yfir að njóta alls sem mig langaði. Matur og drykkir voru innifaldir þannig að það var eini höfuðverkurinn að komast yfir að smakka á öllu sem er vita vonlaust. En allt það sem ég bragðaði og drakk var til fyrirmyndar. Ég varð ekki sjóveik svolítið hissa yfir því.

Ég vil þakka Norrænu ferðaskrifstofunni fyrir vel skipulagða ferð sem stóðst allar væntingar. Mörtu Magdalenu þakka ég fyrir frábæra þjónustulund og frumkvæði í að drífa okkur hópinn í allskonar ferðir sem hún skipulagði og þjappaði hópnum saman. Ferðafélagarnir voru dásemdin ein. Takk fyrir mig þetta var algelega frábært og mikil upplifun. Það má alveg koma fram að mér finnst ég hafa fengið mikið fyrir peninginn. Takk

Kveðja

Guðfinna Guðmundsdóttir

Þar sem báðar ferðirnar í Eyjahafið eru uppseldar þá bjóðum við aukaferð í Eyjahafið þann 19. október. Við sendum tvo hópa í Eyjahaið síðastliðinn október og var mikil ánægja með þær ferðir. Hér að neðan er ferðalýsingin:

Grikkland og Ítalía 19. október til 3. nóvember.

Flogið til Rómar með Icelandair. Gistum í þrjár nætur í Róm og förum síðan í 10 nátta siglingu með NCL GETAWAY þar sem komið er við á Kotor í Svartfjallalandi, Dubrovnik í Króatíu, Korfú, Santorini og Mykonos í Grikklandi og síðan til Ítalíu á ný þar sem við heimsækjum  Napolí og Livorno og endum í Civitavecchia. Gist er í tvær nætur í Róm áður en flogið er heim á ný.

Við eigum ennþá laust pláss í þessa frábæru ferð.